Konstrusaun estrada husi Ponte Noefefan-Oenunu, sei indeminiza deit ba aihun no plantasaun

30- 10- 2019 Oecusse

Dialogo ne’ebe inisia husi ONG FFSO, relasiona ho alargamentu estrada hahu’u husi ponte noefefan to’o iha oenunu ne’ebe sei afeita ba Suku 12 ne’e ho objeitivu fo oportunidade ba Ministeiru Obras Publiku, Diresaun Terras propriedades fahe informasaun oinsa prosedimentu atu foti dadus ba komundade afeitadu sira atu bele kria encotro daruak ho komunidade afeitadu atu komunidade bele hatene rai ho medida hirak mak sei afeita no plantasaun hirak mak sei kompensa. 

Iha Dialogu ne’e Direitur Terras Propriedades Rejiaun Administrativa Especial oecusse ambeno Celestino Kasanube hateten planu konstrusaun Estrada sei hahu’u uluk husi Ponte Noefefan to’o Oenunu no sei afeita ba suku 3 lifau, taeboko ho soenufe no tuir informasaun husi Ministeriu obras publika katak medida estrada ne’e sei haluan ba metru 12, “durante ne’e ita nia indeminizasaun ne’e be deit plantasaun ida ne’ebe mak rai ne’e afeita ba ida ne’e mak ita sura hodi fo indeminizasaun ba sira e indeminizasaun ida ne’e mos bazeia ba deliberasaun autoridade Nu.5 2017, deliberasaun ne’e hateten dehan katak karik ai-oan ne’e mak afeita ida ne’e mak ita foti atu fo indeminizasaun ba sira kona ba rai ita so foti deit nia dadus nia medidas hira tamba ita nia lei titularidade ita seidauk iha atu bele define presu rai ba kada metro”, tenik nia

Tuir Dominggus Anin Chefe Aldeia Makelab husi Suku Teboko sei iha uma kain 15 mak sei afeita husi nia suku,“iha uma kain 15, iha hau nia aldeia rasik iha momentu ne’eba mos ami halo ona sosializasaun kona ba kuando wainhira linha estrada atu liu husi ami nia aldeia komuniade sira hakarak wainhira afeita uma tenke troka ho uma”, nia haktuir

Entertantu Anita Tasin chefe aldeia Oesono suku Costa prekupa kona ba mekanizmu indeminizasaun ne’ebe aplika ona ba komunidade afeitadu sira tamba iha komunidade balun mak la aseita ho indeminizasaun ne’ebe fo deit ba plantasaun,” Autoridade ZEESM foti ona rai iha sumlili, meokana ba planu governu atu halo uma 200 iha aldeia oesono, to’o agora seidauk hahu’u halo uma ne’e tamba balun seidauk aseita no balun aseita ona no sira nia osan plantasaun foti ona balun seidauk tamba sira hakarak plantasaun ne’e tenke selu hamutuk ho rai ne’e no komunidade mak la aseita ne’e hamutuk ema nain 6,” katak Anita iha Dialogo Entre komunidade afeitadu ho Diresaun Terras Propriedades