Roberto Januario
Marius Fuca (47), hela Bairo Oebone, Aldea Bausio, suku Nipani, durante ne’e hela iha uma tali tahan, hodi hala’o nia moris lor-loron. Wainhira Projetu ZEESM hahu implementa iha Oecusse, Marius Fuca, tenke sai vitima ba projetu halo estrada. Rezultadu hosi projetu ida ne;e, Marius Fuca tenke hela iha dapur deit. Ba ekipa monitorizasaun Marcus Fuca, esplika,
“antes sobu hau nia uma laiha inkontru komunitaria, ekipa teknika zeesm mos nunka mai inkontru hodi koalia kona-ba sira nia situasaun depois sira nia uma hetan sobu”.
Vitima Marsius Fuca nia uma antes tali tahan ho medida 6X7 no planu foun mos sei halo nafatin ho medida hanesan.
Marius Fuca hatutan katak distribuisaun material ne’ebe nia hetan la justu,
“material ne’ebe hau hetan la justu ba hau tanba batako hodi halo uma ho medida 6X7 hamutuk 350, kaleng tahan 34, hau lahatene atu halo uma ne’e oinsa. Osan ne’ebe ba halo uma ne’e $400,000 no badaen husu $1,500. Wainhira hau simu envelope no les kedas iha sira nia oin no hau husu ba sira osan hanesan ne’e la to’o no ekipa nebe fahe osan hateten katak osan mak ne’e deit ona. Hau mos nonok deit.
Lista distribuisaun material nebe Marius Fuca, la assina no ekipa distributor mak asina deit maibe naran la hakerek.
Marius Fuca , alsenta katak la simu ho Sistema ne’ebe la transparansia,
“hau hakarak rekomenda ba autoridade zeesm atu loke matan ba hau nia kondisoens. Hau agora hela iha dapur; ho hau nia oan nain 4 nebe mesak boot hotu. Hau nia uma rasik mak agora foin tau fondasi tanba badain rasik lakohi ho osan nebe mak autoridade ZEESM fo”. Tenik Marius Fuca
Hosi dadalia ho vitima Marius Fuca, ekipa monitorizasaun akumula dadus katak diskriminasaun iha distribuisaun material, ekipa Teknika ZEESM wainhira fahe material laiha estudu ida klean ba kada vitima nia hela fatin, falsifiksaun dokumentu iha formatu distribuisaun material tanba assina deit la hakerek naran se mak distribui.
Ho situasaun ida ne’e, ba iha futuru sei bele mosu konflitu sosial iha familia, ida ne’e sai preokupasaun boot ba komunidade ne’ebe afetada
